Aathavanincha Zoka by N D Mahanor

रानकवी म्हणून महाराष्ट्राला सुपरिचित असणार्‍या ना. धों. महानोर यांचं ललित लिखाणही तितकंच सकस आणि मनात रुंजी घालणारं आहे. विशेषतः पळसखेडच्या आठवणींचं अन् तिथल्या गावगाड्याचं वर्णन करताना त्यांचा शब्द न् शब्द जिवंत होतो. या आठवणी म्हणजे केवळ उदास स्मरणरंजन नव्हे. गावखेड्यातलं समृद्ध जगणं भरभरून अनुभवलेल्या, तिथल्या सुख-दुःखाला सहजपणे सामोरं गेलेल्या एका निर्मळ माणसाने उलगडून दाखवलेलं तितकंच निर्मळ जग म्हणजे आठवणींचा झोका. या रानकवीने त्याच्या कवितेइतक्याच रसाळ भाषेत लिहिलेल्या अनुभवांचा हा अस्सल खजिना.